Varúðarmerki í mælaborði rafmagnsbíls
Í munnlega prófinu getur prófdómari spurt um gaumljósin í mælaborðinu, hvað þau þýða og hvað á að gera ef þau kvikna. Hér eru helstu merkin sem þú þarft að þekkja í rafmagnsbíl.
Hemlakerfi
Of lítill hemlavökvi eða bilun í hemlakerfinu.
Hvað á að gera: Stöðvaðu á öruggum stað og aktu ekki áfram fyrr en þetta hefur verið skoðað.
Handbremsa
Rafdrifna handbremsan er á. Ef merkið blikkar er bilun í henni.
Hvað á að gera: Losaðu handbremsuna áður en ekið er af stað.
12 V rafgeymir
Í rafmagnsbíl er enginn alternator. Merkið þýðir að litli 12 V rafgeymirinn fær ekki hleðslu frá drifrafhlöðunni. Hann sér um tölvur, ljós og læsingar, og ef hann tæmist fer bíllinn ekki í READY.
Hvað á að gera: Stöðvaðu sem fyrst, slökktu á óþarfa búnaði og hafðu samband við verkstæði.
Bilun í drifkerfi
Alvarleg bilun í rafdrifinu eða háspennukerfinu.
Hvað á að gera: Stöðvaðu strax á öruggum stað og hringdu eftir aðstoð. Aldrei snerta appelsínugulu háspennukaplana.
Loftpúðar
Bilun í loftpúðakerfinu. Loftpúðarnir gætu ekki virkað í árekstri.
Hvað á að gera: Láttu verkstæði skoða bílinn sem fyrst.
Bílbelti
Ökumaður eða farþegi er ekki spenntur. Oft fylgir hljóðmerki.
Hvað á að gera: Spenntu beltin áður en ekið er af stað.
ABS (læsivörn hemla)
Bilun í læsivörninni. Venjulegu hemlarnir virka en hjólin geta læst í nauðhemlun.
Hvað á að gera: Aktu varlega og láttu skoða bílinn.
Stöðugleikastýring (ESC)
Blikkar: kerfið er að grípa inn í, t.d. í hálku. Logar stöðugt: slökkt er á kerfinu eða það er bilað.
Hvað á að gera: Ef það blikkar skaltu draga úr hraða. Ef það logar skaltu láta skoða bílinn.
Dekkjaþrýstingur
Of lítill loftþrýstingur í einu eða fleiri dekkjum.
Hvað á að gera: Athugaðu þrýstinginn og bættu lofti í sem fyrst.
Rafmagnsstýri
Bilun í stýrisaðstoðinni. Stýrið getur orðið þungt.
Hvað á að gera: Aktu varlega á verkstæði.
Skert afl (skjaldbakan)
Bíllinn takmarkar aflið, t.d. vegna lítillar hleðslu eða of heitrar eða kaldrar drifrafhlöðu.
Hvað á að gera: Aktu rólega og hladdu bílinn sem fyrst.
Lítil hleðsla
Lítið er eftir á drifrafhlöðunni.
Hvað á að gera: Finndu hleðslustöð og hladdu sem fyrst.
Rúðuvökvi
Lítið er eftir af rúðuvökva.
Hvað á að gera: Fylltu á, sérstaklega mikilvægt á veturna.
READY
Bíllinn er í gangi og tilbúinn til aksturs, þótt ekkert vélarhljóð heyrist. Ef gefið er inn fer hann af stað.
Hvað á að gera: Settu alltaf í P og slökktu á bílnum áður en þú ferð út úr honum.
Hleðslusnúra tengd
Hleðslusnúran er tengd í bílinn og ekki er hægt að aka af stað á meðan.
Hvað á að gera: Taktu snúruna úr sambandi og gakktu frá henni áður en ekið er.
Merkin geta litið örlítið öðruvísi út eftir bíltegundum. Skoðaðu alltaf handbók bílsins.